شعر اطفال بالعامية المصرية ---احلام يتيم
________________________________________
&&&&&&&&&&&&&&&&&&&&
الإهداء
عبد الرحمن نور بيتنا بالضحكة بيصنع بسمتنا
واحمد بدأت بيه قصتنا
وروان الشاطرة الأمورة ف اللفة بتلعب بالكورة
وفرح فرحة و هلة علينا
وحنين دي حنانها يكفينا وكمان هتحقق أمانينا
وقدومها كمل حكايتنا
إهداء إلي الزهور الصغيرة
أحمد وعبد الرحمن وفرح وروان وحنين أولاد
شقيقاتي
&&&&&&&&&&&&&&&&&&&&&&&
,,,,,,,,,,,,,,,,,,,,,,,,,,,,*
ابني بهمة
ابني بهمة وعمر ذاتك
خلي الخير يسعد أوقاتك
خلي البركة تملي حياتك
مش راح تبكي علي شيء فاتك
اتعلم واعرف أخطاءك
واملي الدنيا بحب صفاءك
اسعد كل الناس بنقاءك
أو تسعدهم يوم بسكاتك
إزرع ارضك سعد وحب
وامسح دمعة وزيل الكرب
تبقي ساعتها بترضي الرب
وبعملك تدخل جناتك
ابني بهمة وعمر ذاتك
&&&&&&&&&&&&&&&&&&&&&
أحلام يتيم
من حقي أحب واعيش وأحس بلحظة طيش
ويرفرف قلبي ف دنيا القسوة فيها ما فيش
من حقي أدوق الحب وافرح وأعيش واتحب
ويجرب قلبي اللعب وساعتها الخوف ما يجيش
من حقي أغير علي حبي وأسيب الفرحة لقلبي
واهرب من حزني وكربي دا نا غير الحب ما ليش
دا انا يا ما حزنت كثير وبقيت لليأس أسير
والناس من فرحي تغير وف سعدي ما بتمشيش
فيه ناس ترتاح مع زعلي جواي بتقتل أملي
وتحب ضياعي وفشلي ف مصالحي باشوف تطنيش
جربت سنين اليتم وما شفت حنان الأم
وكفايا قساوة وظلم ويا قلبي افرح بشويش
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,*
يا قراءة يا قراءة
يا قراءة يا قراءة يا رمز البراءة
ف اديك الإضاءة للير والنماء
يا بهجة حياتنا يا إثبات لذاتنا
يا شمعة لبيوتنا يا أرض الوفاء
بنحبك بنحبك ماسكين راية لقربك
كلنا عايز دربك عايزين اللقاء
يا قراءة يا حرة أكبر بسمة ودرة
راح نوصل للذرة ونجوب الفضاء
يا ربي يا ربي افتح دايما قلبي
دانا بالحب بالبي لطريق البناء
وانا ليك الفداء
" المقصود مهرجان القراءة للجميع "
&&&&&&&&&&&&&&&&&&&
افتح بابك يا مهرجان
افتح بابك يا مهرجان نقرا ونكتب ف كل آن
اتعلمنا نقرا كثير نمشي حياتنا بالتدبير
واتعلمنا نحب الخير واتعلمنا يا مهرجان
دا كتابنا ف ادينا سلاحنا وبيشفي لوعة أفراحنا
وكتابنا مفتاح أفراحنا والعلم طريق الإيمان
وبنفرح لما بنلقاك م العام للعام نستناك
لقلوبنا قلنا يا محلاك بنقابلك فاتحين الاحضان
وافتح بابك يا مهرجان
موضوع: شعر اطفال بالعامية المصرية 
الخميس نوفمبر 12, 2009 5:31 pm
