مجموعه شعر عامى رااااااااااائعة

لما رب الكون حباكي
واصطفاكي وخلي كل الخلق حبك
كنتى اول أرض تطرح
كنتى اول بسمة تفرح

كنتى لينا وكنا ليكي
كنتى شريان المحبه
وكنا دم بيجري فيكي

واما ربك قال نعمر
كنا اول ايد تعمر
كنت أول بيت صغير
بس ساكن جنبه قصر
كنت مصر

واحنا كنا ليكى شعب

ياما قالو الشعرا عنك
ياما دابوا في بحر حبك
بس لما جيت احبك
التقيت الحب صعب
والتقيت جوايا دمعه وميت سؤال
ميت سؤال
مصر مين؟
شيخ مربع فوق سنين العمر ساجد ولا فاسد ؟!
مصر مين؟
مصر نكسه ولا نصر ؟
بيت صغير ولا قصر؟
مصر واحده ايدها واحده
ولا ناس متفرقين؟!
مصر مين؟
مصر شبرا.. ولا اوبرا ؟!
مصر نائيه .. ولا راقيه ؟!
مصر ماتت ولا باقيه
مصر مين؟
مصر رحله وكله رايح
ولا زحمة وقطر طايح
والعيال متشعبطين؟
مصر مين ؟
مصر خوفو ولا عمرو
مصر حبك جوه دمي ..ولا حبك فعل أمر؟
مصر حبك جوه دمي
وانت امى ف كل عصر
مصر أمي
وهو حد يا خلق يرفض
ان امه تبقي مصر
مصر مهما قالوا عنها
برضه باقيه بيت وقصر
مهما شفنا من تناقض
مهما كان الكل رافض
باقيه مصر
تحيا مصر

بَحِبِّكْ يامصرْ

بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .

بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .

وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .

فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .

ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .

فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..

بحبِّكْ .. بحبِّكْ .. بحبِّكْ .. يا مصرْ

احب وردك
وشمسك
وطلة ولادك الحلوه
واعشق سمار اهلك
وطيبتهم
واصرارهم علي حبك
واغني اسمك
بشوق وخشوع
زي الصلاه
وزي دقة قلوب الوارعين بالدعا
ولما اسمع صدي صوتي
يرده حفيف
حفيف نيلك
اعشق صدي صوتي
كما بعشق هدير ضي في سما بكره
كما بعشق ضميرك
ولما اسمع صدي صوتي
يرده نواح زنازينك
اكره صدي صوتي
كما بكره نعيق سلاطينك علي مر التاريخ
كما بكره احساسي بالغربه علي ارضك
** *** *** **
وتشدني سحاب
سحاب الدهشه
في سما حالك
اطير مع سرب البلابل
من شبابك
اشوف هشيم الامان ابكي
وصمتك يعجزني
احط من حر الاستبداد
في ضل حلم
ارتاح علي شط الامال
استني موج العدل والحريه
لحد ما يغرق بحري في بحرك
تاكل حيتان الزيف امنياتي
يهد زحف الفساد حلمي
ويغرق الجبن موجة الحريه
** *** *** **
بيترنح النور
كقتيل بيترنح علي ارضك
مع كل لطمه فوق خد الولد لسمر
مع كل لدغة سوط
تغيب شمسك
وتطل مع كل صرخة وليد
مع كل كلمة حق
وانا عاشق بزوغ شمسك
بحب النور
امتي شروق الامان الحقيقي
امتي تفتح الكلمه في حضنك
امتي نسيم الغنا
احب اشوف الربيع علي خد ايامك
احب وردك
وشمسك
وطلة ولادك الحلوه
**************

بسم الله الرحمن الرحيم

بسم الله كلمة المُعْتَصِمِين ، ومقالةِ المُتَحَرِّزِين ، وأعوذُ بالله تعالى من جَوْرِ الجائرين ، وكيد الحاسدين ،

وبُغي الظالمين ، وأحمدُه فوق حمد الحامدين . اللهم أنت الواحد بلا شريك ، والملك بلا تمليك ، لا

تُضاد في حكمك ، ولا تُنازع في ملكك . أسألك أن تصلي على محمد عبدك ورسولك ، وأن توزعني من

شكر نعماك ما تبلغه غاية رضاك ، وأن تعينني على طاعتك ولزوم عبادتك ، واْستحقاق مثوبتك بلطف

عنايتك ، وترحمني وتصدني عن معاصيك ما أحييتني ، وتوفقني لما ينفعني ما أبقيتني ، وأن تشرح

بكتابك صدري ، وتَحُطَّ بتلاوته وزري ، وتمنحني السلامة في ديني ونفسي ، ولا تُوحٍشَ بي أهل

أُنسي ، وتُتٍمَّ إحسانك فيما بقي من عُمري كما أحسنت فيما مضى منه ، برجمتك يا أرحم الراحمين .